من أخلاق بني خوْنج

ملا نهار أزرق الواحد ماشي للقراية كالعادة متأخر و مهبط عينيه اللوطا الشمس قوية نشوف كان في موبيلات سوداء يركبها بولحية ذو لحية سوداء ناتنة يتزلحق قدامي على الكياس قام شادد يدو و يعيْط فما شكون ضربو من تالي المهم جاه واحد قلو هاكي الكرهبة يخلط عليها على ساقو ميات ميترو و الراجل حابس فالضوْ و أنا تلهيت نسكرلو في خردتو و بعدتها شويا على الطريق ... و الله أعلم هو و لا لا إلي ضربو الحاصيلو نشوف كان في سيدنا الشيخ بولحية يمدلو براص في خشمو .. مسكين فرخ صغير يسوق بأمو تدمدم خشمو الناس هابطة تحز و الوليْد يحلف و يزمزم يقول مانيش انا و خونا بولحية صادم ماعلابالو و يعيْط و 4 شادينو و هو تقول كركدن هائج ... غزرتلو و قلتو ... زايد خوانجي جاهل ميتلامش عليك و سليـــــتها

شيئ يكرْز بففف

في روسيا التي تقطنها أغلبية مسيحية ساحقة قام المسملون بأداء طقوسهم يوم العيد و في الشوارع مغلقين بذلك الطرق و هذا لا يخدم مصالح رواد هذه الطرق بينما في الكاف التابعة لتونستان إقتحمو الكنائس و ليست أي كنيسة بل معمر تاريخي !!! وقامو بتحويله إلى جامع و كأن الجوامع إنقرضت في هذه البلاد لعنة الله عليكم يا جرذان عملتولنا العار و شوهتو سمعة هالبلاد لعنة الله عليكم في فرانسا المسيحية مفاوضات لبناء جوامع و انتما تهدو في الكنائس و بعد تحكيلي بالديمقراطية و الحرية يلعن حريتكم و ديمقراطيتكم يا خفافيش الظلام  حلال فيكم شقوفة الفانتا يا كلاب تفـــيه !!! 

مغامرة ولد الصحرا و الهرْابينو

يا سيدي و  قلنا السلام

حبيت نحكي مغامرة هايلة ياسر أبطالها " ولد الصحرا " و" ولد اللوز " و الإيفاريست ڨالوا ..... لحكاية بدات وقت ما جانا ضيف عزيز لصفاقس السيْد هذا هو ولد الصحرا كلمني قالي هاني جايك  وصل لصفاقس مع الليل و دوب مرتاح و دوْش و صنع جوو قلي فين نشوفك قتلو إيجاني لقهوتي " سيدي بوسعيد " وصل سلمنا على  بعضنا  هبطنا شيشة عالمية فرح بيها ياسر و إعتبرها  شيشة غير عادية خاترها صراحة حاجة ليكس شيشة تدوم أكثر من أربعة ساعات و معسْل طاير ..... بعديكا قلي راني لازم نعمل تحريشة توا  و قلي هيا نمشيو ناكلو حويجة  رغم انو الوقت متأخر ياسر تقريبا نصف الليل مشينا لمطعم شعبي على شارع 7 نوفمبر و خوكم الهرابي هبطلها وحيْد لبلابي بالعظمة و صديقنا الأخر عمللها طابونة سكالوب تعشينا و تصورنا و ضحكنا و نبرْنا  بعديكا  كل واحد مشى لدارو و إتفقنا باش نتقابلو مع الصباح في البلاد العربي ايا الحاصيلو طلع النهار قمت قبلو و قيمتو و مشيت عملت قضية و كلمتو و إتفقنا على القصبة متاع صفاقس  باش تكون ملتقانا أيا الحاصيلو انا قاعد قدام باب القصبة و هو في غربها هو يستنى و انا نستنى و الشمس كلاتني بعديكا قمت نلوْج عليه و لقيتو و سي ولد الصحراء بعد سلامو قلي هرابينو شوفلنا مطعم أكلة خفيفة صراحة قعدت مستغرب ولد الصرا إنسان من أولوياتو الأكل و أهم عضو في جسمو هاكي الكرش الكبيرة إلي عندو قتلو أحنا في السونتر فيل ندخلو للبلاد العربي نعملو تصاور و كذا متاع بحثك بعديكا نهزك لمطعم تحفون متاع قريبي إختصاص سفافد أيا الحاصيلو الوقت ما ضاع  كان بهالتصاور و ماخلينا شيئ مصورناهش بعديكا خرجنا من  باب الجبلي بعد ما دخلنا البلاد العربي من باب الديوان و من غاديكا سي ولد الصحراء يلمحْلك مطعم فيه المواصفات إلي يحبهم هوا و هو بكونو شعبي و يعمل كفتاجي الحاصيلو المطعم مالبرة هلا هلا و مالداخل يعلم الله دخلنالو نشوفو كان في وجوه تعيسة ووجوه فقر و المطعم  فات الشعبي من غادي الحاصيلو الأكلات تثير الإشمئزاز و الناس إلي فيه أكثر و أكثر دخلنا قعدنا على طاولة حقيرة في قمة القذارة بعد ماطلب عمك ولد الصحراء صحيْن كفتاجي و انا سندويتش قلت لعلو أقل سوؤا من بقية المؤكولات ... الحاصيلو ربع ساعة قاعدين و لا حياة لمن تنادي طلبنا و ماجانا شيئ و الشر باش ياكلنا قلت يلا نخرج و نشوف مطعمم ارحم احنا خارجين و هما شدو فينا و حضرلنا ما طلبنا في دقيقتين تقول بالغصب تاكل من عندو الحاصيلو خرجنا مورالنا طايح  كيفاش ناكلو هالماكلة هاذي و الشيئ إلي يحمص أكثر بحذاه مطعم نظيف ماكلتو تشهي و  بنينة برا مشينا بردنا تكيفت سيجارو و بعديكا قلي ولد الصحرا هيا نرجعو نصورو قتلو زهرك باهي مادامك مع ولد الهرابي هيا طلعنا لرباط المدينة من أعلى العمارات الموجودة في الناصرية و صور صفاقس كاملة طلعنا و عملنا تصاور حلويين و بعديكا مشينا عملنا قهوة و ريْحنا فخار ربي و من بعدها مشينا للبانكة باش نصرفو فلوس و من بعدها قتلو لازم نهبطو للسونتر فيل لمقر حزبي قلي اوكي قتلو خوذ تاكسي خير أخطانا مالشموسات الواحد قريب تضربو الشمس قلي هيا نمشيو على ساقينا و بيناتنا ولد الصحراء قرنيطة و شحْة فوق ما تتصوْر هع هع ... خذينا تاكسي مشينا للمقر حكيت معاهم شويا و ريڨلت قضيتي و من بعدها تفاهمت مع ولد الصحراء باش نمشيو لدار الجلولي وسط البلاد العربي مشينا غادي ووصلنا قبل مايسكر بنص ساعة  بعد ما ستنينا العساس و لا شكونو إلي كان يصلي و دخلنا لهذا المعمار الاثري .. صراحت قد ما نوصف و نمدح و شويا فيه .. شنيا إبداع شنيا جمال شنيا ألوان  زاهية شنيا تاريخ شنيا اصالة و الله العظيم تقول جنة و بلاصة ترجع الروح للعبد الحاصيلو عملنا جو و تصاور كالعادة بعديكا خرجنا باش نشريو كعبة وسكي و من بعدها نلوجو على اللبلابي و عكست معانا ملقيناش لبلابي تراصتلنا في كعبات فريكاسي حاصيلو كعبة الفريكاسي صراحة حقيرة جدا فوق ما تتصور شايحة و ماجات شيئ حاشا نعمة ربي و مالإخر أحنا الزوز معدناش زهر في الماكلة و بعديكا خرجنا و عرضنا صدفة " ولد اللوز " و قررنا نهدو على اقرب قهوة و كالعادة الشيشة موجودة و  ظهرلي ولد الصحرا مكبوط عليها خاتر في الخارج مفماش شيشة كيما الموجودة في تونس - رد بالك لا تخمج مخك بركا -  مالعصر للمغرب و أحنا نتحدثو و نتناقشو في مواضيع عديدة و مفريناش بالوقت و بعديكا جاء صديقنا الأخر المعروف ب " الإيفاريست ڨالوا "  ركبنا في كرهبتو و إنطلقنا لنزل سيفاكس باش نعملو كعبات و نحكيو حاصيلو مجمْت نتذكر شيئ وقتها خاطرني بالعو  نوعا ما اما صراحة فما حاجة شدتلي إنتباهي في قعدتنا كافر و ما يشربش الحاصيلو انا بديت نشيخ في مخي و يتعدا بحذايا ليبي فرحان بمريولو إلي فيه علم الثوار و نتعتو بجرذ الناتو خاف مني و فصع بعديكا جانا وحيْد أخر و قعد معانا و تناقشنا في القضية الليبية لين صارت نص الليل و قتها  روحنا و من غدوا يجمعنا لقاء انا و ولد اللوز و ولد الصحرا باش نطلعو للعاصمة تحديدا المنزه في حافلة ديمقراطية تقدمية انا ركبت مع ولد اللوز في حافلة سياحية فاخرة وو لد الصحرا في كار و تتحقق حلمو بأكل كسكروت عمْك و أنا في كار أخرى منطلقة من ساقية الدائر سبق مالإول حتى وصل قبلنا بنص ساعة و هو يستنى الحاصيلو و صلنا للقبة سلْمت على أحبتي و صحابي و إنتشرنا ..... حان الأن موعد الجلسة الخمرية بتوقيت المنزه و ضواحيها و المكان منزل ولد الذوادي مع شلة من المدونين و الزملاء متاعو المهم ضربنالها الوسكي و الباكس و كمية زمبورة و بعدها روحت لصفاقس بعد ما شيعنا شويا ولد الصحرا سلمنا على بعضنا و مشيت و صراحة حسيتو خلا بلاصة كبيرة عليا




الخلاصة عملنا جو و صراحة مقدرتش نتذكر كل شيئ بالتفصيل لأني كتبت هالمدونة بعد 3 أيام مالغامرة و حبيت نعملها ديديكاس لولد الصرا 

ما يحصل في صفاقس .... !!

أسفي و حزني كبيران على عاصمة الجنوب ... بالحق شيئ مؤسف كي نشوف صفاقس وصلت للحالة هاذي .... الليبية بأنواعهم ثوار و أتباع القذافي في نزاع و حي;ط صفاقس ما سلمتش منهم و كأنهم يحبو يخرجو صفاقس من الحكم المدني لحكمهم الثوري الغوغائي و ينقلو حربهم اللعينة في هالبلاد ... حيوط صفاقس تمسْخت بشعاراتهم  ........... الحاصل  راس الهم و المشكلة الكبيرة في هالليبية - مرحبا  بيهم مانيش عنصري - اما لازم يحترمو رواحهم تمشي لما يسمى بشارع 7 نوفمبر و لا الناصرية تلقاهم ميرقدوش  غنا و جوهم حافل الحاصيلو و تبزنيس و شراب و انت إفهم وحدك من نص الليل و انت هابط... ... مش كان هذا المشكل المشكل الأخر إلي ضرب التونسي في الصميم هوغلاء الأسعار من جرتْهم و أهمها الضروريات البشرية كيما الخضرة و الغلة و المواد الغذائية عموما ... الأسعارنار يا صاحبي و الزوالي و المحتْحت هو المتضرر و مش كان الماكلة أسعارها نار حتى الموطورات و البساكل مسلمتش منهم و شهدو إرتفاع كبير في أسوامهم.... و الطلعة الجديدة ولاو يبيعو في السلاح للمجرْمة و  أكدلي الشيئ هذا قريبي بوليس  ... بصراحة شيئ مقرف لازم حل و لازم يحترمو رواحهم و يحترمو غيرهم و ما ينساوش بكونهم ضيوف  مش جايين كراية و لاو ملاكة ... و أخبار اخرى من صديقي قالو هاو 500 ليبي رسْم في الناصرية الكبيرة و الصغيرة معناها باش يقراو معانا و أنا صراحة لتوا مستغرب ..... أما مش كان بعض الليبية إلي خاربين صفاقس حتى المجرْمة و إلي هاربين مالحبس خذاو بايهم في النطْرة و السرقة و الفساد و زاد حلالهم الجو كي يلقاو غياب البوليس و الأمن و كأنو الشيئ متعمد مالشرطة و الدليل قداش من عرْكة و خبيلة  قدام عيون البوليسة و هما عاملين وذن عروسة و ماعمبالهم بالطقس و غرضهم الوحيد مش حماية البلاد و توفير الأمن بل مطالبهم ما بعد ه"الثوْرة " الحاصيلو الظروف  صعيبة و الصفاقسي و التونسي عموما  في خطر و نعرف بكونو الشيئ هذا في البلايص الكل و لعل المدن الكبرى إلي صاير فيها من فساد و إجرام أبرك من غيرها  ...... الخلاصة لازم الامن يرجع و يفرض روحو و يحميني و يحميك و لازم الضيْف الليبي ميتجاوزش حدودو و يخلي صراعاتو مع الطرف اليبي الاخر في بلادو مش في بلاد غيرو و لازم البياع يحط أسوام مناسبة و ميستغلش هالحكومة اللاشرعية و يبيع لولد بلادو بأسوام نار و الأهم لاناس تاخو حذرها مالبراكاجات و السرقة و الغشة و النصب و الإحتيال ..... و السلام  
:=)

اليوم أثبت السبسي أنه موش بورقيبيست .. حتى طرف

لم يكن بورقيبة يوما مخطئا حين دافع عن فكرة هيبة الدولة و علوية سيادتها فوق الجميع ..

هل يعقل أن يقتحم أفراد الأمن مقر الوزارة الأولى ؟؟؟

هل يعقل أن تتم مهاجمة سيارة الوزير الأول و تهديد حياته ؟

هل يعقل أن يهاجم قائد أركان الجيوش الثلاثة ؟؟

هل يعقل أن يمارس بعض الأعوان البلطجة و يزيحوا مسؤولين و يتهجموا على آخرين في مكاتبهم ؟؟

هل يعقل أن يقتحم أفراد من الأمن قاعات المحاكم لتحرير زملائهم الذين ستتم محاكمتهم ؟؟


لو كان بورقيبة موجودا لما بقى أحد من هؤلاء حيا و لو كانت مائة ألف !!!

المجد للديمقراطي التقدمي

Modifier

على أمل ربيع

عندما تفقد القدرة
على تكليم قلم
لطالما حركته بنظرة
و فجأة تصبح في متاهة
عندها ستحس بأن للألم قدرة
على تحويل كل حياتك
إلى مجرد تفاهة
لم تعرفها نفسك بالمرة
ستتمنى لو تعيد النظرة
إلى كل قرار إتخدته
إلى كل حب أهملته
إلى كل حبيب جرحته
إلى كل إحساس قتلته
إلى كل شخص دمرته
و عندها لن تعيد الكرة
ستتمنى لو تجد من كان
في الماضي يمثل الحنان
يعطيك الدفأ بلا حسبان
قد تبكي و لن يرا أحد دموعك
قد تتأسف و لن يرى أحد خضوعك
عندها ستعرف و تعترف حينها
بأن وقت الحساب قد حان
لكل من أخدت منه و لم تدفع
لكل من إعتبرك إنسانا و لم تنفع
عندما تسمع النهاية تطرق كل أبوابك
فتتذكر ما عشته في حياتك من أفراح
فبالحقيقة نشوة ما سببته من جراح
فتتألم كما ألمتهم و تتعلم كما علمتهم
فترى حياتك في فصل الخريف
تتساقط دموعك كما الأوراق اليابسة
فإنتظر ربيعا ينقلك إلى الفرحة بعد حياة بائسة ريبعا منقذا و مزهرا ينقلك من البحر المظلم إلى اليابسة

Ajouter une légende

هرّابينو  فريمايند - لست بشاعر و لم أقصد قصيدة بل أردت سرْد حادثة عشتها لا أكثر